Sboncen Cymru'n Creu Mwy o Hyfforddwyr Sboncen Iau

1 Ebr 2008 Canodd Max Boyce unwaith am yr "Outside Half Factory" lle roedd dynion ifanc deallus a chryf yn cael eu trawsnewid yn hudol i fod yn hanerwyr rhagorol i Gymru mewn ffatri gudd rywle yn y Cymoedd!

Mae Sboncen Cymru’n creu ei ffatri ei hun ond nid yw’n un gudd a does dim hud yn perthyn i’r peth, dim ond gwaith caled a’r bartneriaeth ragorol sydd wedi datblygu rhwng Sboncen Cymru a Chyngor Chwaraeon Cymru.

Mae’r Cyngor Chwaraeon wedi cyllido Rhaglen Hyrwyddwyr Hyfforddi Sboncen Cymru sydd wedi eu galluogi i gyflogi Hyrwyddwyr Hyfforddi rhan-amser sydd wedi dechrau ar siwrnai o amgylch y wlad. Mae’r siwrnai wedi cynnwys pob Clwb a Chanolfan Hamdden mewn rhanbarthau penodedig yng Nghymru. Mae nod gan y Gweithredwyr, sef recriwtio mwy o ymgeiswyr hyfforddi o blith y criw o chwaraewyr a gwirfoddolwyr o’r gorffennol a’r presennol.

Mae’r pedair gwlad yn y DG wedi uno eu dyfarniadau hyfforddi er mwyn safoni a gwella’r gwaith o gyflwyno cyrsiau ledled Prydain. Mae hon yn system flaengar ar gyfer hyfforddwyr newydd a’r rhai sy’n bodoli eisoes a byddant yn mabwysiadu’r cymwysterau newydd hyn fel rhan o’u hailgyfeirio o Lefel 1 i fyny i Lefel 3, sy’n lefel newydd.

Mae Sboncen Cymru wedi creu Dyfarniad Arweinwyr newydd sy’n gyflwyniad i Sboncen Mini – y dull newydd o hyfforddi plant 5 i 11 oed – ar gyfer yr ymgeiswyr hyfforddi iau addawol.

Y penwythnos diwethaf, profodd chwaraewyr elitaidd ieuainc Sboncen Cymru Sboncen Mini ac roeddent wrth eu boddau! Daethant yn Arweinwyr mewn diwrnod. Cyflwynodd Bob Perry, Hyfforddwr Lefel 3 UKCC Sboncen Cymru, Tiwtor ac Aseswr, y Cwrs ar gyfer y Bechgyn Dan 15 / Dan 17 yn Athrofa Chwaraeon Cymru yng Nghaerdydd. Cyflwynodd Chris Rees, Tiwtor ac Aseswr Lefel 3 UKCC Sboncen Cymru, y Cwrs i’r Merched Dan 15 / Dan 17 yng Ngwesty a Champws Golff a Sba y Vale.

Aeth yr ymgeiswyr ati’n frwd i gyd yn eu rôl newydd fel "hyfforddwyr" a llwyddodd pawb gydag anrhydedd. Dywedodd Mike Workman, y Cyfarwyddwr Hyfforddi a Datblygu: "Mae hwn yn hysbyseb gwych i’r chwaraewyr ieuainc sy’n gynnyrch Strwythur Datblygu Iau Sboncen Cymru. Llongyfarchiadau i bawb. Rwy’n falch iawn o’n chwaraewyr ieuainc."

Fel rhan o’u gwaith bydd Hyrwyddwyr Hyfforddi Sboncen Cymru’n mentora hyfforddwyr newydd yn eu Clybiau / Canolfannau Hamdden ac yn darparu cyngor a chymorth i hyfforddwyr newydd a’r rhai sy’n bodoli eisoes, gan sicrhau gwasanaeth cefnogi cyflawn.

Arweinwyr Newydd Dan 15 / Dan 17 Oed

Katie Bradbury, Y Fro

Sioned Scott, Y Fro

Olivia Griffiths, Y Fro

Fiona Williams, Y Bontfaen

Becci Evans, Caerffili

Sasha Cocks, Llaneirwg

Sam Bergin, Caerffili

Sarah Clode, Y Tyllgoed

Nyall Driscoll, Caerdydd

Scott Gibson, Caerffili

George Evans, Trefynwy

Salil Gokhale, Y Fro

Robert Luke, Y Fro

Jacob Minett, Aberdâr

James Thomson, Aberdâr

Morgan Phillips, Aberdâr