Rwyf eisiau gwybod sut beth yw bod yn hyfforddwr

Os ydych eisiau mynd gam ymhellach gyda'ch diddordeb mewn chwaraeon, beth am fod yn hyfforddwr? Mae hyfforddi'n rhoi llawer o foddhad. Gall sicrhau eich bod yn dysgu llu o sgiliau newydd y gellir eu defnyddio mewn meysydd eraill yn eich bywyd, gan sicrhau budd i'ch datblygiad personol a'ch cyfleoedd gyrfaol.

Mae angen hyfforddwyr ar bob lefel mewn chwaraeon, o ddechreuwyr i berfformwyr elitaidd. Waeth beth yw'r lefel, mae swyddogaeth yr hyfforddwyr yn amhrisiadwy, yn creu'r amgylchedd priodol ar gyfer darparu'r profiadau chwaraeon gorau posibl i bobl, profiadau a fydd yn sicrhau eu bod yn dal ati i gymryd rhan yn y gamp.

Beth sy'n gwneud hyfforddwr da?

Dylai hyfforddwr da:

• Darparu amgylchedd diogel, hwyliog a phriodol i gymryd rhan ynddo i'r perfformwyr i gyd
• Meddu ar gymwysterau hyfforddi diweddar a phriodol a bod yn fodlon derbyn hyfforddiant pellach i ddatblygu a chynnal safon ei fedrusrwydd
• Rhoi lles pob perfformiwr yn gyntaf - o flaen ennill neu gyrraedd nodau
• Trin y chwaraewyr i gyd, waeth pwy ydynt, yn deg a chyda pharch ac urddas
• Sicrhau perthynas gytbwys gyda'r chwaraewyr, yn seiliedig ar ymddiriedaeth a pharch
• Cyfrannu mewnbwn priodol at berfformiad ei chwaraewyr
• Rhoi adborth brwdfrydig ac adeiladol, yn hytrach na beirniadaeth negyddol
• Cydnabod anghenion y perfformwyr
• Dod i adnabod ei berfformwyr a'u rhieni / gofalwyr
• Hybu chwarae teg
• Bod yn fodel rôl rhagorol drwy ymddwyn yn briodol bob amser
• Meddu ar yswiriant diweddar a phriodol.